鐵道交流所3年後休業 場主無悔蝕足40萬:老咗唔會只覺打咗一世工

鐵道模型職人訪問系列

與一眾職人對話,帶大家走進深一層的鐵道模型世界,了解他們的故事!

鐵道交流所 是香港其中一個鐵道模型Layout場,營運約3年之後,在8月23日與一眾車友暫別,待另覓地點之後與大家再會。這次的鐵道模型職人訪問系列就找來場主Raymond,在休業之前整理過去幾年的回憶和經驗!

鐵道交流所開業3年還是要迎來休業的一天,令不少車友都覺得嘆息。休業原因不令人覺得意外,就是經營壓力的問題,Raymond直接地說休業「梗係最大問題係錢嘅問題啦」,由去年連串社會運動,再加上至今仍然未止的疫情,客人的確是愈來愈少,其中以疫情影響最為關鍵,「嗰陣時係真係冇人上嚟」。

生意冷淡拍烏蠅幾個月之時,Raymond已經萌生休業的想法,剛好差不多到舖頭租約死約期完結,他就在無奈之下決定休業,順便在趕工完成HO場景之後,大家還有幾個月可以過下癮。

鐵道交流所經營約3年,累積虧損約40萬,疫情期間生意慘淡成為他決定結業的重要原因。

最初Raymond接受第一個訪問的時候曾經提到Layout場由起租至可以開放營業,成本已經超過20萬港元,3年後埋單到底花了幾多錢相信大家都想知道。他直言「一計條數應該好恐怖下」,想了一想才再說「可能40個應該走唔甩嘅」,40萬還只是保守估計,如果拿來買模型可能已經是小型博物館級數。

例牌問題,如果可以回到幾年前的當初會不會仍然開舖做Layout場?Raymond說如果早知要貼一大筆錢做Layout場,「咁其實我都未必真係會去搞嘅,即係已經超出咗個承受範圍」。

後悔嗎?他說反正已經蝕錢已經是定局「又唔會話好後悔嘅」,甚至還認為值得,「至少我調返轉去諗你覺得我呢一世人就做咗啲好多人都未做過嘅嘢,或者做嘅一啲嘢起碼就會有啲回憶」。老了之後回想年少輕狂,「都有少少嘢做過而唔係我打咗一世工,唔知做過啲乜嘢咁樣嘅感覺」。

鐵道交流所雖然蝕了很多錢,但他沒有後悔,因為至少他日自己老了,仍然會覺得自己做了一些其他人沒有做過的事。

說到最後,當然有一班人需要感謝,排在名單首位的就是他的老婆。Raymond直言,如果老婆一開始已經很決絕地反對他開Layout場,鐵道交流所根本無可能出現,更經常送飯給他,「真係呢個老婆真係冇得講,真係多謝你」。

還要多謝的是鐵製所,在他結業之前送了一大批室內燈,給他送給車友,吸引多一點客人,同樣D-Light在賣燈方面都令幫助到他經營。另外還有很多很多車友,很多人上來之前都會幫手買飯和起場,甚至是落手落腳幫忙,令工序完成得更快更順利。再想感謝的是做這次訪問的King,因為除了這一次訪問之後,鐵道交流所的第一次訪問也是他做的,該次訪問是第一次做訪問,之後亦引來更多傳媒如明報、蘋果日報的訪問,令更多人認識到這個地方。當然,最後要多謝的是一眾車友,「平時你哋幫襯呢其實對於我嚟講呢,心靈上同金錢上都係一個好大嘅幫忙,多謝咁多位!」

繼續閱讀系列訪問文章:
鐵道交流所場主自我檢討報告出爐!舊場只值50分 新場想加呢兩大元素
鐵道交流所場主帶著矛盾招待小朋友 為在孩子內心種下鐵道模型種子

鐵道交流所訪問後記 感謝場主推動香港鐵模 更令車友認識更多車友

鐵道交流所facebook專頁:https://www.facebook.com/hkrms2017

【捐款】少少無拘,喜歡的話請支持我的工作!

能夠與你分享好車,是我的榮幸。如果你喜歡我的內容,希望你可以支持我創作更多內容!

5.00 HK$

2 Comments on “鐵道交流所3年後休業 場主無悔蝕足40萬:老咗唔會只覺打咗一世工

  1. Pingback: 鐵道交流所 帶著矛盾招待小朋友 為引孩子長大後入坑| King的鐵道模型

  2. Pingback: 鐵道交流所 場主自我檢討:舊場只值50分 新場有諗法| King的鐵道模型

發表迴響

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料